ليش النمل في الحمام؟ لأن الحمام فيه أهم شي يدوره النمل: الموية والرطوبة. وفوقها بقايا صابون وشعر ومواد عضوية في البلاعات، وشقوق بين البلاط توصله لمواسير الجدار. يعني النمل غالبًا ساكن في الجدار أو تحت البلاط، وطالع للحمام عشان يشرب ويدور أكل.
أسباب وجود النمل في الحمام
- تسريب موية تحت المغسلة أو حول الكرسي أو داخل الجدار.
- رطوبة عالية وتهوية ضعيفة.
- بقايا عضوية في البلاعات وحول الصرف.
- منتجات فيها سكر أو زيوت مثل بعض الشامبوهات والكريمات ومعجون الأسنان.
- شقوق في الترويب بين البلاط أو حول المواسير.
- خشب متضرر من الموية مثل باب الحمام أو الدولاب، وهذا يجذب النمل النجار.
أنواع النمل اللي تطلع في الحمام
- النمل الصغير جدًا (الذر): فاتح اللون، يمشي في خطوط رفيعة، ويحب الأماكن الرطبة والدافية. شوف الذر في المطبخ والبيت.
- النمل الفرعوني: أصفر فاتح وصغير، ينقسم لمستعمرات جديدة إذا رشيته بمبيد عادي. شوف النمل الفرعوني.
- النمل الأسود: أكبر شوي، يطلع من شقوق البلاط والجدار. شوف النمل الأسود في البيت.
- النمل الطائر: إذا طلع نمل بأجنحة من شقوق الحمام، تأكد إنه مو نمل أبيض (أرضة)، لأن الأرضة تحب الرطوبة والخشب. شوف النمل الطائر.
كيف تتخلص من النمل في الحمام؟
- صلّح أي تسريب وجفّف الأماكن الرطبة، لأن بدون موية يقل جذب النمل كثير.
- نظف البلاعات من الداخل وشيل بقايا الشعر والصابون.
- حط جل النمل نقاط صغيرة على خط سير النمل وقرب الشقوق، ولا ترش فوقه، عشان النمل ياخذه ويوصله للملكة.
- لا ترش مبيد عادي على النمل الصغير والفرعوني، لأنه يفرّق المستعمرة ويزيد المشكلة.
- بعد ما يختفي النمل، اسدّ الشقوق بالسيليكون أو الترويب.
- إذا رجع، رش مبيد أثر باقي حول مداخل الحمام والوزرة من برا.
وللوقاية بشكل عام، شوف الوقاية من النمل.
منتجات من أوركيدا
- أدفيون جل للنمل من سينجينتا
- باقة أدفيون جل لمكافحة النمل من سينجنتا
- أدفيون WDG من سينجنتا
- ديماند سي إس من سينجينتا
- بودرة كي أوثرين
أسئلة شائعة عن النمل في الحمام
هل النمل في الحمام يدل على تسريب؟
مو دايمًا، لكنه علامة تستاهل الفحص. شيك تحت المغسلة وحول الكرسي، وإذا الجدار رطب أو البلاط يتحرك، غالبًا فيه تسريب.
ليش النمل يرجع بعد الرش؟
لأن الرش يقتل النمل اللي يمشي بس، والملكة والمستعمرة داخل الجدار ما يوصلها شي. الجل هو اللي يوصل للمستعمرة.
كم ياخذ الجل عشان يخلص النمل؟
غالبًا تشوف النمل يزيد حول الجل أول يومين وهذا طبيعي، وبعدها يقل تدريجيًا خلال أسبوع إلى أسبوعين.